Umlando Kwembulwa Isikhumbuzo-Mfanekiso weLembe

Umlando Kwembulwa Isikhumbuzo-Mfanekiso weLembe eKING SHAKA INTERNATIONAL AIRPORT:

Kwale kancane lime emini bebade  kwelikaMthaniya namhlanje ngenkathi iSifunda saKwaZulu-Natali sibungaza ukwembulwa kwesikhumbuzo-mfanakiso weSilo saKwaDukuza uSigidi Shaka kaSenzangakhona esikhumulweni sezindiza iKing Shaka International Airport.

Ephefumula kulomcimbi uMeya WeSifunda seLembe uKhansela Thobani Shandu uye wathi, “sibonga uhulumeni wentando yeningi ngokusebenzisana neNdlunkulu kaZulu ekuqinisekiseni ukuthi lomsebenzi wokuhlonipha iLembe uba yimpumelelo”.

Lomcimbi ubuholwa wuMongameli Wezwe uMnuz. Cyril Ramaphosa ehambisana neSilo Samabandla iNdlulamithi, uNdunankulu KaZulu uMnuz. Thulasizwe Buthelezi, uNdunankulu WeSifundazwe uMnuz. Thami Ntuli, neziphathimandla zeminyango kahulumeni nomasipala.